In the Blue Corner

No it’s not about boxing. Current heavyweight Google has a new opponent in the world of search engine. Cuil (pronounced “cool”) which means an old Irish word for knowledge, claims that it can index faster on the worldwide web of information. Their new search engine info page located at http://www.cuil.com states that “ it searches more pages on the Web than anyone else—three times as many as Google and ten times as many as Microsoft.”

Out of curiosity, I tried opening two browsers on my computer. One directed to google while the other one is for cuil. A quick search for my name “Jamin Domingo” on search engine google displayed my complete user profile on blogger as well as my name on a tabloid newspaper. Doing the same thing with cuil, the result was not that “cool”. It took a few more seconds and it did not display an accurate result even in the last three pages. Well, who’s Jamin Domingo anyway? So I tried typing the model number of a LinksysOne device (SVR3000) and it returned the error “No results were found”.

IMHO, in terms of speed and accuracy, Cuil Inc., should focus itself first in beating no. 3 Microsoft Corp. then no. 2 Yahoo Inc. before even trying to challenge the undisputed heavyweight Google in the world of web search. On the other hand, I think we should still give cuil more time in improving their search engine since they were just starting out.

By the way, while capturing screenshots, I noticed that the word “Kagangkapan” was misspelled on google.ph, I think it should be “Kasangkapan?” .

SONA o Ano Na? Part-II

"Maynilad's new owners have invested P7 billion to bring clean and, at last, running water to Paranaque, Parola, Manila and elsewhere. Manila Water did a similar P2 billion project for Antipolo. "

Kaya siguro wala kaming tubig ng ilang linggo at maraming butas ang kalsada. Bah ! Mahirap palubugin ang mala-talong kong tae sa kalahating balde lang ng tubig. Sabi nung tambay na durugista sa min, isa raw sa mga pinakamainam na negosyo ngayon ang magtayo ng himpilan ng mineral water.

Fear factor category na rin kasi ngayon ang pag-inom ng tubig mula sa gripo.

"Matapos ang maraming taong usapan, ang ating administrasyon ang nakapagsimula ng Flood Control Project sa Kalookan, Malabon, Navotas at Valenzuela (CAMANAVA). "

Konting ulan lang, ang dating lampas tuhod, ngayo’y ga-leeg na ang taas ng baha sa mga lugar na ito. Paano na si Bhibac si Ateng at ang nanay ko na pawang mga kulang-kulang limang talampakan lang ang taas? Hindi ko sila hahayaang malunod ! (ehehehe, joke only)

Salamat naman at nasimulan na , hindi pa ba tapos?

"For College, we launched a P4 billion fund for college loans, to increase beneficiaries from 40,000 to 200,000. "

Nabasa nyo na ba ito sa Inquirer? (Bago mo pindutin siguraduhin mong babalik ka dito, me kasunod yan ugok!)

Siguradong hindi napatakan ang estudyanteng ito ng kahit na singkong duling ng pautang na ito para sa kolehiyo. Mahirap ang magtrabaho habang nag-aaral , take it from the expert , ehem!

Kung ganito kahirap ang mag-aral kahit na matalino ka paano pa kaya ang iba?

Ang nakakaluhang kasunod ng kwentong nabanggit sa itaas:

Buti na lang mabait si Ate no?

"We must weed out corruption and build a strong system of justice that the people can trust. We have provided unprecedented billions for anti-graft efforts. Thus the Ombudsman's conviction rate hit 77% this year, from 6% in 2002. We implemented lifestyle checks, dormant for half a century. Taun-taon dose-dosenang opisyal ang nasususpinde, napapatalsik o kinakasuhan dahil labis-labis sa suweldo ang gastos at ari-arian nila. "

Palakpakan ! “Most Corrupt in East Asia and the world”. Yan ang taguri ngayon sa Pilipinas ng iba’t-ibang dayuhang ahensya na parang mga inspektor na nagsusuri sa kalagayan ng korapsyon sa ibat-ibang bansa. Ayon sa Alemang ahensya na Transparency International, ang Pilipinas ay pang-walo sa pinaka-korap na bansa sa buong mundo. Kaparehas (parang Miss Universe, tied with Ms.) Benin, Gambia , Guayana , Honduras , Nepal , Russia , Rwanda at Swaziland. Nangunguna ang bansang Haiti sa palakihan ng pandarambong sa gobyerno.

Sabay tugtog ng Miss Universe 1994 “Mabuhay” Lyrics habang tinatanghal ang mga pinaka-korap na bansa:

You're smilin" Mabuhay "You're stylin"
It's a great salutation Mabuhay!
Mabuhay! "Persuasion", Hello, "You are delicious"
It's a one word flirtation, Mabuhay!

Ang haba no? Madami pa, pero hindi ko na tinapos. Ang haba kasi ng SONA ni Gloria eh, tapos na rin ang mahabang parada. Bukas bahala ka na kung gusto mong pakinggan yung sasabihin ni Gloria. Basta ko bukas pag napadaan ako sa Mabuhay! Rotonda ! baka mapag-tripan kong sumali sa mga sumisigaw sa kalsada. Para maiba naman. Kakasawa na eh.

Puro pambobola.

SONA o Ano Na?

Naghahanap ako ng mga bagong joke online ng masagi ng aking mga mata ang salitang SONA sa Philippine Daily Inquirer. Sa halip na kabalastugan, hinanap ko na lang yung SONA ni Gloria noong nakaraang taon , sa pagbabasa pa lang sa mga unang bahagi ng talata, sa totoo lang, natawa talaga ako. Promise. Serious. (with smiley) .

"Hangarin kong mapabilang ang Pilipinas sa mayayamang bansa sa loob ng dalawampung taon. By then poverty shall have been marginalized; and the marginalized raised to a robust middle class. "

Sabagay medyo malayo pa naman, 2027. Pero ayon sa SWS survey , tumaas ang bilang ng mga taong nakakaranas ng pagkagutom. Marahil pagdating ng 20 taon , bababa na ang bilang ng mga hindi nakakakain ng sapat.

Dahil di na sila aabot pa ng 20 taon.

"With the tax reforms of the last Congress, and I thanked the last Congress, we have turned around our macroeconomic condition through fiscal discipline, toward a balanced budget. Binabayaran ang utang, pababa ang interes, at paakyat ang pondo para sa progreso ng sambayanang Pilipino!!! Maraming salamat ulit sa nakaraang Congress."

Kaya hindi nanalo sa nakaraang eleksyon si Ralph Recto ay dahil sya ang may-akda ng E-VAT. Ito rin ang tinuturong dahilan kaya masyadong nabibigatan ang mga mamamayan sa taas ng bilihin ng pagkain at langis. Wala silang balak tanggalin ang buwis na nagpapahirap kahit halos wala ng makain ang mga pinoy.

Nung nakaraang linggo, itinalaga si Ralph Recto bilang kalihim ng NEDA. For better moderation of greed. Gudlak!

"In Mindanao, our food basket, I said we would prioritize agribusiness investments. And I am happy to see that the latest survey in June shows the hunger rate has sharply gone down nationwide."

Ayon sa newsbreak, Mindanao pa rin ang pinakamahirap sa buong kapuluan sa loob ng isang dekada at may pinakamaraming taong nakakaranas ng pagkagutom. Ito ay dahil sa kawalan ng suporta sa mga pangunahing imprastraktura at patuloy na giyera sa pagitan ng Pambansang Sandatahang di mo alam kung meron pang Lakas at MILF o MNLF o Abu Sayyaf . Napansin mo ba lagi silang may F?

Isipin mo na lang , nakatira ka na sa tinaguriang sisidlan ng pagkain, tapos wala ka pa ring makain? WTF!

Ipagpapatuloy....

MAKI

Pupunta sana ako sa tahanan ng aking kasintahan kahapon, kaso lang hindi pa ko naliligo dahil nawalan kami ng tubig nung madaling-araw bago ako pumasok. Kesa maamoy nya pa ako at mabawasan pa ang nalalabi kong kakaunting pogi points (teka meron ba ko nun?) nagpasya na lamang akong umuwi ng maaga at gumawa ng mas kapaki-pakinabang na bagay, ang mag-trip na gumawa ng Maki. Ito ang una kong natutunan bago ako matutong magluto ng mga simpleng ulam, ang nagturo sa akin nito ay si Mommy Shawie. Medyo mahirap sa una ang pag-rolyo gamit ang maliit na kawayang banig, maraming dumidikit na kanin, minsan nabubutas ang nori(yung pambalot na gawa sa seaweed tanga!), minsan ang laki ng nagagawa ko, pero katagalan may natsa-tsambahan din akong mukhang maki na talaga. Siguro kaunting ensayo pa at mapeperpekto ko rin to. Mas maganda kung susubukan din ng kapwa tanga ko na tulad mo kaya ko isinusulat ito.

Narito ang mga sangkap at paraan ng preparasyon:

bamboo rolling mat - nabibili ito sa mga supermarket, nakabili ako sa shopwise. Subukan mo kung me mabibili ka sa botika , hehehe.

nori - ito ay gawa sa seaweed , nabibili rin sa mga suking supermarket.

japanese rice- meron akong nakita nito sa rustan, ngunit dahil sa mataas na presyo ng bigas dulot na rin ng pagtaas ng presyo ng langis sa pandaigdigang merkado, kinalkal ko na lang ang kaldero namin. Mas maganda pag medyo malagkit. Pwede mo ring subukan ang NFA rice para may disenyo pa na maliliit na bato at di maipaliwanag na amoy minsan.

crabstick - hindi ito yong stick na may nakatusok na crab ha! (umayos ka!)

itlog - batehin at iprito ( tanung mo sa kuya mo kung paano magbati , ehehehe, ng itlog)

pipino - hiwain ng pahaba at katamtamang laki.

manggang hinog - hiwain din ng pahaba

japanese vinegar - syempre dahil purita lang si jamongoloids , datu puti na tinimplahan ng konting asukal lang.

toyo - marami akong kilalang meron nito sa ulo pero silver swan lang na nilagyan ng kalamansi ,okey na.

1. Ilatag ang nori sa ibabaw ng bamboo mat. Yung makinis na bahagi ang nasa ilalim.

2. Ilagay ang kanin na may suka. Ikalat sa ibabaw ng nori. Maglaan ng mga isang sentimetro sa itaas at ibabang bahagi.






3. Ilagay ang crabstick , pipino at itlog. Minsan pwedeng ilagay ang mga sangkap sa gitna bago irolyo. Maari ring mangga imbes na pipino o kaya'y ipalit ang mangga sa itlog. Mayroon din akong nababasa online na naglalagay minsan ng avocado, maari kang mag-imbento ng sangkap ayon sa iyong trip. Siguro hindi lang pwede atis.






4. Dahan-dahang irolyo ang kawayang banig .






5. Gamit ang kawayang banig , higpitan ang pagrolyo upang hindi humulagpos ang maki habang hinihiwa.






6. Hiwain ang maki ng katamtamang laki.






7. Kung itatanong mo kung para saan yung toyo at kalamansi , sawsawan yun. Alangan namang ipakita ko pa ang imahe ng pagpiga ng kalamansi sa toyo , kalabisan na ata no?

Ipatikim sa mga kasama sa bahay. Para sa mas magandang resulta , magtago para makita mo ang totoong reaksiyon nila habang tinitikman ang iyong hinandang maki. Pag me nasuka' okey lang , gawa ka na lang ulit ng bago hanggang makagawa ka ng isang masarap na maki.

Maki-baka !

Larawan ninenok sa: http://sushiday.com/archives/2006/10/26/how-to-roll-maki-sushi/

Ang Mahiwagang Salita

Naubos yung buong araw ng rest day ko nung nakaraang linggo dahil sa pagaasikaso ko ng papel sa SSS. Hiniram ko lang naman yung salapi na pinagputahan ko ng maraming taon. Abril 18 ko ata ipinasa yung kahilingan sa pag-utang, aba a-kinse na ng Mayo ay wala pa ring liham mula sa ating ahensya na "Kabalikat mo sa Buhay". Sa aking pakikipag-ugnayan sa kanilang tanggapan sa Cubao, ako ay pinayuhang magsadya sa kanilang pangunahing tanggapan at dun manlimos este kunin ang tseke.

Para paikliin ang istorya, nahawakan ko na rin ang tseke na nagkakahalaga ng dalawampu't isang libong pisotas (o wag ka malito , tatlo lang ang zero nun). Limpak na salapi para sa akin , nagniningning ang aking mga mata habang tangan ang tseke at nagpasya na dun ko na rin i-withdraw sa ahensya ng PNB sa mismong pangunahing tanggapan naka-himpil.

"Now serving no. 11-20" , ang bumungad sa aking paningin ng lumapit ako sa gwardya ng bangko upang humingi ng numero. Ang aking nakuha , numero 99. "Whew ! Ok lang" sabi ko sa aking sarili. Libonaryo naman ako pag na-withdraw ko ito.

"Sir , kelangan tatlong ID" sabi ng gwardya sa akin habang inaabot ang numero. Ako nama'y nakangiti lamang pagkakuha ng aking numero. " Tatlong ID sir ? " magalang na ulit ng gwardya sa akin. "Ok" , sagot ko naman na parang binalewala lamang ang sinabi nya. "ID sir tatlo" , "Tatlo sir ID" . Kahit pa anong kumbinasyon ng salita , "marami akong ID sa aking pitaka unggoy! ehehehehe" Bulong ko pa.

Napansin ko na inaabot ng mahigit 15 minuto bago magpalit ng panibagong grupo ng numero. Kaya nagpasya akong kumain muna sa kanilang kantina. Lumibot pa ako upang magmasid ng mga obra maestra sa isang exhibit. At meron pa akong napanood na kumpetisyon ng ahedres. Saka ako bumalik ng bangko.

Sa wakas, grupo na namin ang tinawag. " Now serving 91-100". "Here I go!". Pagpasok ko ng bangko , agad na inayos ng isa pang gwardya ang aming pila, " Tatlong ID po ang kailangan !", ulit na naman nya. Hinanda ko na ang aking mga ID, Company-ID, SSS ID at yung dati kong Greenwich ID o kaya yung luma kong NBI Clearance o kaya Philhealth ID. "Madami tayo nyan boy". Bulong ko na naman sa aking sarili. Habang naka-pila , napansin kong tatlo lamang ang teller ng bangko , si Ate si Kuya at si Taba. Napansin ko ang pagiging magiliw nung isang maputi , bata at may kalusugang teller. ( Chubby ha? Baka ibang malusog ang nasa isip mo? ) . "Dito ko kay taba" , bulong ko sa aking sarili.

" Next" sabi ni ate. Pinauna ko na yung ale sa aking likuran dahil mas trip ko si Taba. "Next" sabi ni Taba. Nakangiti pa akong lumapit kay Taba at iniabot ang aking tseke. Ibinigay ko na rin ang aking mga ID. " Sir, wala ka na bang ibang ID?", tanong ni Taba.

" Hetong Greenwich ID ko" , sabay abot nito sa kanya. " Sir san po kayo ngayon nagta-trabaho?" . "Sa Link2Support po ma'am" , magalang kong sagot sa kanya. " E di hindi nyo na po Company ID tong sa Greenwich!", me pagka-matigas nya pang sagot sa akin. Nagsimula akong kabahan sa tinuran ni Taba sa akin. " Hetong NBI Clearance?" . Balik tanong ko sa kanya. "Ay sir expired na po yan di po yan pwede, di rin po namin tinatanggap yung Philhealth, ganito na lang po sir, produce po kayo ng isa pang valid ID tapos pwede naman po kayong pumunta sa iba pa naming Branch Office para i-encash ang check nyo", may himig pagtataboy nyang turan sa akin dahil sa mahaba pang mga kasunod. Dito na nawala ang aking pagtitimpi.

" Bakit kelangan ko pang mag-produce ng iba pang ID ? Hindi ba ako yan na narito rin?" sabay turo ko sa aking SSS ID at NBI Clearance. "Tignan mo ? Kelangan ko pang mag-produce ng Drivers License eh wala naman akong sasakyan, Passport? di naman ako mangingibang-bansa, nakapag-encash ako dito sa una kong loan bakit ngayon hindi na?" . Me mataas kong boses na tanong sa kanya habang binubuklat ko ang lahat ng laman ng aking pitaka sa kanyang harapan. Nagkalat na lahat, resibo , registration card , ticket , pera, discount card sa motel, at muntikan pang makita yung condom huh?. Iniabot ko ang ATM cards ko sa kanya. "Sir hindi po talaga pwede, credit card lang po", matigas nya pang sagot sa akin. Nagkamali ako kay Taba, hindi pala sya magiliw. Kung anung tila lambot ng kanyang katawan dahil sa taba , yun palang tigas ng kanyang puso, matigas ang paninindigan sa kanilang patakaran. "TATLONG ID", malamang ay nakatatak lagi sa kanyang isipan at pinasaulong Mission and Vision ng kanilang kumpanya bago pa man sya tanggapin sa kanyang trabaho. Gusto kong maiyak sa galit at sumigaw ng isang malakas na "PUUUtooong INaaaamoooyyyyy!", dahil sa inis at galit. " Pwede ko bang makausap ang Manager in duty?", habang humihinga ng malalim dahil sa tindi ng kinikimkim kong galit. "Yun po ang Manager" sabay turo sa isang medyo patpating lalaki na napagkamalan kong utility man lang ng bangko kung di pa pinag-suot ng gusot mayaman na polo.

"Kelangan di ako magalit dito , mukhang tulongges eh , kelangan utuin ng konti " , bulong ko sa aking sarili. "Good afternoon po Sir !", magalang ko pang bati sa manedyer habang inaabot ang aking kamay. Matapos kong ipaliwanag ang aking hinaing sa manedyer , para akong binuhusan ng kumukulong tubig, nagkamali na naman ako , nalaman kong mas malupit pa sa isang de-kalibreng abogado ang manedyer, yung pagkatuso ko at galing mang-uto , hindi umubra. " Hetong Philhealth-ID ko? " tanong ko sa kanya. " Nakalagay po dito sa likod ng Philhealth Card , not valid for authorization", habang itinuturo nya ang katagang iyon sa likod ng card. " Hetong NBI Clearance?" . "Expired na po yan sir tapos dapat ho every year pinapa-renew", sagot ng patpating manedyer na napagtanto kong matalino at mukhang sanay sa mga ganuong sitwasyon dahil hindi talaga ako umubra. Suko na ko , taas ang dalawang kamay!. Gusto kong murahin silang lahat habang pinupunit ang tseke sa kanyang harapan. Gusto kong maiyak sa inis . " The only thing that I'm asking is just a little CONSIDERATION", bulalas ko na lamang sa manedyer. Muntik ng dumugo ang aking ilong sa binitawan kong ingles. Ganito siguro pag nagtatrabaho ka sa isang call center, napapa-english kapag galit na.

"Consideration sir? Meron kami nyan !" , sabay kuha sa aking tseke at pinirmahan ang nasa likuran. Tila nakarinig ang manedyer ng mahiwagang salita. Yun lang pala ang kanyang hinihintay , ang makiusap ako at humingi ng konting konsiderasyon . Hindi ang mangatwiran at lantarang suwayin at kwestyunin ang patakaran at polisiya ng kanilang bangko.

" Dun na lang po kayo sa lalaki, pasensya na po kayo sir", sabay turo ni "Skinny Manager' kay kuya upang marahil ay hindi ko na awayin pa si Taba.

Bigla akong parang binuhusan ng malamig na tubig (di kaya ako mabasag ? kanina mainit eh no?). Para akong tumatanggap ng diploma ng abutin ang salaping bunga ng aking pinagputahan ng ilang taon. Bago pa ako umalis , tatlong beses ko pang binilang ang salapi . Hindi sa ibang lamesa kundi banda sa harapan ni Taba , upang ipakita sa kanya ang aking tagumpay.

Pero mukhang dedma lang si Taba.......

Sa huli, bago ako lumabas ng bangko ay may natutunan akong mahalagang aral na hindi ko na malilimutan at marahil ay dapat ibahagi ko sa iyo , kapatid.....

"Lagi kang makikinig kay Manong Guard....."

Klasikong Linggo

Muntik ko ng malimutang ibahagi yung karaniwan kong ginagawa tuwing araw ng linggo. Bago ako mailipat sa umaga, napunta muna ako ng pang-tanghaling toka sa trabaho, ala una y' medya ng tanghali ang pasok ko. Kung saan , dahil sa init ng panahon at tirik ang araw tuwing tanghaling tapat , galing sa bahay , pag nagbaon ako ng sariwang itlog , nilagang itlog na ito pagdating ko sa aming tanggapan, hehe. Pero bago ako pumasok ng tanghali , nagigising na ako ng alas kuwatro ng madaling araw upang mag-jogging kasama ang aking mga health conscious na kaibigan at kapatid sa pagbubuhat ng asero, sina Titing at Derek. Pagdating ng alas siyete , kakain na kami ng almusal sa Jollibee CCP kung saan naireklamo ko pa yung store manager dahil lamang sa macaroni soup. Pag-uwi , karaniwan mo ng maririnig ang mga lumang tugtugin sa radyo. Ito ang di ko mawari, bakit luma ang mga tugtugin tuwing linggo? Dahil di ko din alam ang sagot, nagsasalang na lang ako ng CD ni Michael Buble' (alam nyo ba? na bubble ang bigkas dito ng isang magaling na dating Team Leader ng Esca, aminin?) habang naliligo. Kakain ng konti at magtutungo na sa trabaho. At dahil pagod ang aking katawan sa katatakbo at karaniwang wala namang tawag sa mga kapatid nating amerikano tuwing linggo, natutulog na lang ako para hindi naman sayang ang pinapasweldo sa akin ng kumpanya. Ang saya di ba? Klasikong linggo. Nasa ibaba ang mga titik ng isa sa mga paborito kong kanta ni Bula' (tanga ang di maka-gets!). Handa..... awit !

"Home"

Another summer day
Has come and gone away
In Paris and Rome
But I wanna go home
Mmmmmmmm

May be surrounded by
A million people I
Still feel all alone
I just wanna go home
Oh, I miss you, you know

And I’ve been keeping all the letters that I wrote to you
Each one a line or two
“I’m fine baby, how are you?”
Well I would send them but I know that it’s just not enough
My words were cold and flat
And you deserve more than that

Another aeroplane
Another sunny place
I’m lucky, I know
But I wanna go home
Mmmm, I’ve got to go home

Let me go home
I’m just too far from where you are
I wanna come home

And I feel just like I’m living someone else’s life
It’s like I just stepped outside
When everything was going right
And I know just why you could not
Come along with me
'Cause this was not your dream
But you always believed in me

Another winter day has come
And gone away
In even Paris and Rome
And I wanna go home
Let me go home

And I’m surrounded by
A million people I
Still feel all alone
Oh, let me go home
Oh, I miss you, you know

Let me go home
I’ve had my run
Baby, I’m done
I gotta go home
Let me go home
It will all be all right
I’ll be home tonight
I’m coming back home

Gugabol K Ba?

Tinanggal na ulit ng MIS yung malayang pagbubukas ng anumang site sa aking kompyuter. Hindi na ko makapag-friendster , hindi makabukas ng email, i-type mo lang ang salitang "blog" sa google at isang malaking pulang tandang padamdam ang iyong makikita. Pero napupuntahan ko pa rin ang manyakol.com (hik! hik! hik! ). Halos maubos na rin ang mga proxy address na ginagamit namin , salamat na lang at marami pa rin akong kasama sa trabaho na matiyagang naghahanap ng mga bagong proxy kapag naba-block yung ginagamit namin (tibay noh?). Balik na naman ako sa dati kong gawi pag ganitong limitado lang ang aking mapupuntahan at walang magawa , karaniwan , nilalaro ko si Ludo (yung chess program , manyakol!) , pag masakit na ang aking ulo ,binubuksan ko ang google, nagtitipa at naghahanap ng kung anu-ano....talagang kung anu-anong salita , kadalasan mga pangalan ng kung sino-sinong kakilala ko. Matutuklasan mo na rin kung Gugabol ka ba?

Sinubukan kong i-type ang aking unang pangalan at nalaman ko na kapangalan ko pala ang isang audio jack : JAMin is the JACK AudioConnection Kit (JACK) Audio Mastering interface. Sinubukan kong i-type ang aking buong pangalan at lumabas ang pangalan ko bilang isa sa nagwagi sa Text Tulang Pinoy ng NCCA (ehem!). Aksidente lang ang pagkakasali ko dun. Eto yung mga panahong sinusundan ko ang away ng dalawang showbiz kolumnista, si Alfie Lorenzo ng pahayagang Abante at si Pete Amploquio ng pahayagang Bandera ata o isa pang dyaryong tabloid. Tuwang-tuwa ako sa patusadahan ng dalawa ,naroong tawagin ni Alfie na pokpok ang nanay ni Pete , kumakain pa daw si Pete ng burak dahil parang pusali ang bibig etc., sa kabilang banda naman , tinitira naman si Alfie sa pagiging hukluban nito etc. Sa kolum ni Alfie Lorenzo ay may patalastas kung saan inihayag nya ang mga napiling magwagi sa Textula ng NCCA para sa ikatlong linggo. Nabatid kong kasama sa nagwagi si G. Gregorio M. Rodillo, ang isa sa aking paboritong propesor sa Pamantasan ng Lungsod ng Maynila. Guro ko siya sa Panitikang Pilipino, may malaking impluwensya sa akin kaya siguro ganito ako magsulat at managalog. Lagi nya sa aming ipinapaalala ang "masining na pagsusulat at pagbibigkas ng wikang Filipino". Hindi ako mapakali ng araw na nabasa ko yon, parang gusto ko ring mag-text ng aking tula. Kalikasan ang tema ng patimpalak , papasok ako sa trabaho at sakay ako ng FX na nagbubuga ng maitim na usok ng araw na maisip ko ang aking tula at i-text sa NCCA hotline. Nung sumunod na linggo, nabasa ko na rin sa kolum ni Alfie Lorenzo ang pangalan ko bilang isa sa nagwagi (palakpakan naman!) , at pagkaraan ng ilang araw ay nagkita kami ni Ginoong Rodillo sa UP, Diliman upang tanggapin ang aming premyong salapi , isang mug, isang t-shirt , sertipiko at isang munting libro kung saan ang aming tula ay isinadiwa ng isang pintor sa pamamagitan ng pagpinta (natural , alangan namang inawit devah?)..

Sa pagpapatuloy, ilan lamang ito sa mga bagay na makikita mo sa google. Sinubukan ko na ring itipa dito ang mga pangalan ng aking mga kasama sa trabaho , patok ang mga dating nagcha-chat at nambabarubal o dili kaya ay pinaglalaruan ng mga kano sa chat. Karaniwan ng lumalabas ang iyong personal na profile sa friendster kung marami ang tumitingin sa account mo.

Subukan mong i-type ang salitang pakanto* at madidiskubre mo ang mga taong halatang nakalimutang i-log out ang kanilang friendster account kaya pinaglalaruan ng kahit sinong ponsyo pilato ang kanilang mgaprofile. Kapag minalas ka pa ng kaunti , papalitan na rin ang password mo kaya wala ka ng pagkakataong baguhin pa ito (cool di ba?). Gayundin ang karaniwan mong makikita kapag tinype mo ang iba pang mga makamundong salita. Halimbawa: kepyas , malibog , malandi etc., mga hinahanap ko pag wala akong magawa ,pasintabi sa mga madreng nagbabasa, ehehehe.

Sa pagtatapos , hindi ko malilimutan ang balik tanong sa akin ng isang kasalukuyang Manedyer (di ko sasabihin kung operation, senior o device manager) sa kumpanyang aking pinagtatrabahuhan nung minsang tanungin ko sya ukol sa isyu na may relasyon sa trabaho (work related boplax!) . Huli na ng mapagtanto ko na wala na nga pala syang alam sa mga teknikal na bagay ,marahil di niya talaga alam ang isasagot , tanungin ba naman ako ng ,"nag- google ka na ba?". Parang tono ng nagtatanong kung nagmumog na ba ako?

Ikaw sinubukan mo na ? Gugabol ka ba?