Inaasahan ko na magiging malakas at mabilis si Emmanuel "Manny Pacman" Dapidran Pacquiao sa tinaguriang "Dream Match" pero di ko inaasahan kahit sa panaginip na magiging ganun kalamya at kabagal ang tinaguriang "Golden Boy" ng boksing na si Oscar Dela Hoya. Hindi man lang inilaban ang aking limandaang pisotas. Buti na lamang at hindi ako isang tanyag na "boxing analyst", kundi , isa ako sa mga napahiya at napailing ng mapawi ang usok sa naganap na bakbakan.
Sabi nga ng isang komentarista , parang Tarzan si Oscar nung ganapin ang "weigh-in" ngunit pagtuntong ng ring naging si Jane. Sa akin naman , akala ko "life begins at 40" yun pala pag-edad mo ng 35 gaya ni Golden gay , este boy pala e talagang matanda ka na at walang maibubuga.
Sabi ni Roach , "he cannot pull the trigger anymore!" sabi ko naman "he cannot even hold the fucking gun!". Pinanood ko pa uli yung laban, nakatutuwang malaman na ang tawag ni Roach kay Manny sa loob ng ring ay "son" habang inuulit naman nung katuwang ng magiting na coach na si Buboy Fernandez ata , ang lahat ng sinasabi nito sa tagalog. Naalala ko tuloy ang aking tatay na naging boksingero din dati at nagkaroon din ng sakit na "Parkinson's Disease" gaya ni Roach ,lagi akong tinuturuang mag-jab at mag-kumbinasyon ng mga "1-2 punches" at isa ring taga-hanga ni Manny Pacquiao kahit nung hindi pa siya sikat . Kung hindi sya namayapa , malamang magkalaban kami ngayon sa pustahan.
Maligayang kaarawan sa ika-17 ng Disyembre at saludo ako sa impresibong laban na ipinakita ng Pambansang Kamao. Babayu sa aking limandaang piso. Sa susunod na laban , baka kay Mayweather Jr. ako o kaya ay kay "Hitman" Hatton, ehehehehe.
Patalastas. Siguradong babaha yan sa araw ng laban ni Manny "Pacman" Pacquiao at Oscar "The Golden Boy" Dela Hoya. Mga bandang alas nwebe magsisimula ang mga unang laban , tapos ang main event mga alas dos na masisimulan. Ipagpalagay mo ng tatagal ang laban ng mga 30 minuto tapos sisingitan ng sandamukal at paulit-ulit na patalastas mula alak, medyas , gamot , sapatos , hotdog at malamang merong pang pulitiko, matatapos ang panonood mo ng mga alas-singko ng hapon. Bagamat ganyan ang siguradong magiging senaryo sa ika- anim ng Disyembre, mayroong tatabo ng limpak-limpak na salapi. Walang duda , isa na roon si Pacman na kahapon lang ay namigay ng 3 milyong piso sa mga kasamang makapagbabawas ng malaking timbang.
Meron din syang bahagi sa kikitain ng pay-per-view. Me kachug din sya sa mga patalastas. Malaki ang kanyang maibubulsa pag siya ay nanalo, at naniniwala din naman akong marami siyang matutulungan pag nagwagi ang pambansang kamao sa kanyang pangarap na laban.
Pag natalo si Pacman, meron pa rin siyang makukuhang limpak na salapi ayon sa kasunduan, meron din akong madadampot na limandaan dahil pumusta ko sa kalaban. Sa simula pa lamang ng kasunduan yan ang nakikita kong dahilan kaya sila maglalaban. Pera. Pwede nating sabihing gusto ni Oscar na gumanti kay Manny dahil sa paglipat nito sa Top Rank o kaya ay talaga ngang gusto ni Pacman na makasagupa ang kanyang dating iniidolo para matupad ang kanyang pangarap na laban na matagal na nyang minimithi. Prinsipyo. Pangarap. Para sa Bayan. Pero isa lang nakikitang kong malaking dahilan kaya sila maglalaban. Pera.
Bakit ako pumusta kay Oscar?
Sabi ng two-time Trainer of the Year na si Freddie Roach, matanda na si Oscar Dela Hoya. "Oscar can no longer pull the trigger" , sabay tawa at pakita ng isang baril-barilan sa harap ng media. Wala na raw ibubuga ang Golden Boy sa edad na 35. Idagdag pa natin ang katotohanan na siya ang nagsanay kay Oscar nang ito'y lumaban at natalo kay Floyd Mayweather Jr. kaya alam nya ang kapasidad nito. Sa isang banda, hindi ako kumbinsido sa naging panalo ni Pacquiao noon kay Marquez , bagamat talagang bumilib ako nung gulpihin nya si Diaz. Kung ginulpi niya si Marquez , walang duda na sa kanya ako pupusta.
Narinig kong sinabi sa telebisyon ng isang magaling na trainer na ang isang boksingero , habang tumatanda, nawawala ang bilis nito, pero ang lakas ng suntok ay naroon pa rin. Galing ng 135 lbs si Pacman , isa pa lamang sa ganitong dibisyon ang kanyang nakakalaban. Tiyak na magugulat siya sa lakas ng suntok pagtawid ng 147 lbs. Kung matanda na si Oscar at wala ng ibubuga bakit ganon na lang ang paghahandang ginawa ng kampo ni Pacman? Bakit kailangan pa ng plyometrics at supplement na pagkaraaan ay itinigil din? Sa edad na 35 , ay hindi pa matanda , para sa akin si Oscar. Lamang sa height at reach. Bibigat at lalakas pa sya pag nagdagdag ng timbang pagdating ng laban. Katanyagan at salapi rin ang mawawala sa kanya kaya nasisiguro kong hindi siya magpapaiwan sa laban. Malakas sumuntok si Pacman , walang duda, pero meron bang nakalaban na mahina sumuntok si De la Hoya sa mga huli nyang laban?
Katuwaan lang ang pustahan. Pera ang nakikita kong dahilan kaya ako pupusta sa kalaban. Ika nga ng aking kaibigang kainuman nung biyernes "ang puso ko ay kay Pacman pero pupusta ako sa kalaban" . Masaya ako pag nagpaalam ang aking limandaang piso sa aking lukbutan.
Sino ang mananalo?
Pag tinignan mo ang larawan sa itaas parang mahihinuha mo kung sinong dalawang tao ang talagang higit na tatabo at mananalo sa labang ito. Baka nga hindi natin nalalaman , ang lahat ay bahagi lamang ng isang malaking plano para pasakayin tayo sa isang kunwaring pangarap na laban para matupad ang pangarap nilang jackpot.
Panawagan: Sana naman merong magbigay ng link para sa Live Online Streaming- Manny "Pacman" Pacquiao vs. Oscar "The Golden Boy" Dela Hoya. Me pasok ako sa linggo eh.
Napawi na ang usok sa naganap na pigaan ng utak sa Dresden, Germany. Ilang linggo ko ring sinusubaybayan ang laban sa 2008 Chess Olympiad. Simula pa lang ng mabasa ko ang artikulo ni manong Recah Trinidad , kung saan hindi pinayagan si GM Eugene Torre na maglaro at sumama sa koponan ng Pilipinas sa Olympiad dahil laos na daw, kinutuban na ako na lagim lamang ang naghihintay sa ating mga kababayan. Ang mga politiko talaga , di na lang kasi magtanim ng pechay para me kakainin...
Ginawa na lamang Kapitan ng koponang Pilipino si GM Eugene Torre na katatapos lamang durugin ang apat ng Grand Master ng Tsina sa katatapos lamang na GMA Cup. Samantala , nagningning ang batang si GM Wesley So ng sa unang laban pa lamang ay gapiin ang Super GM ng Tsina na si Ni Hua. Idol ko na nga tong batang ito eh. Kasama rin sa nagkaroon ng impresibong laban ang batang iskolar ng DLSU at bagong GM ng Pilipinas na si GM JP Gomez. Si GM Bong Villamayor naman ay halatang nahirapan sa Board 1 dahil nahirapang makakuha ng panalo at halos puro tabla sa laban. Mas mainam siguro kung si GM Eugene Torre ang nakapwesto dito, mabuti na lamang at humahalinhin si Wesley boy sa kanyang pwesto. Gayunpaman , alam nating mahirap ang naging papel ni GM Bong at tingin naman natin ay ginawa nya ang lahat ng kanyang makakaya.
Nanguna ang bansang Armenia , sinundan ng Israel at ikatlo ang Estados Unidos. Nagtapos sa pang 46 na pwesto ang Pilipinas. Mas mababa kumpara sa nakaraang pwesto natin sa nakaraang Olympiad , pinatunayan pa rin ng mga batang miyembro ng koponan na may malaki tayong tsansa at magandang kinabukasan sa mga susunod pang labanan. Mabuhay ang Pilipinas!
Iba na ang kahulugan at gamit ng pangalang ito sa kasalukuyan, pero maari mo pa ring mahinuha kung saan ito galing kung napanood mo ang pelikula ni George Javier (Tolongges) , Cachupoy (Zapatatem) at Redford White (Arizona Gid) nuong dekada otsenta. “ A Man Called Tolongges (1981)” . Nuod ibaba:
”Ginagawa tayong tolongges!”, karaniwang gamit ng pangalan o salita sa ’min pag pinagmumukha kang tanga o engot ng isang tao. Ganyan tayo ituring ngayon ng mga pulitiko at mandarambong sa kasalukuyan, tolongges. Ngayon , bago mo bitawan ang pahinang ito dapat masuksok sa kukote mo ang bago mong pangalan. Tolongges.
Joc Joc lang
Ipinakita sa ABS-CBN ni Henry Omaga-Diaz ang kuha ni Joc squared Bolante sa loob ng eroplano bago ito lumapag sa paliparan, mukhang wala namang malubhang karamdamang iniinda at naglalakad pa. Ilang minuto pa, ipinakita sa pambansang telebisyon ang pagdating ng tinaguriang arkitekto ng fertilizer scam na nakasakay sa wheelchair , hinahaplos-haplos ang dibdib na parang me kumikirot sa puso.
Sa tagal ng kanyang inilagi sa Estados Unidos ngayon lamang nya naramdaman na meron syang malubhang karamdaman? Kung ang sakit nya, ayon sa mga doktor ng St. Lukes ay multiple gastric ulcers bakit nya hinahawakan ang dibdib nya? Di ba dapat tyan?
Bakit nya binigyan ng milyong pondo para sa sakahan ang ibang tongressman, samantalang wala namang lupang mabubungkal sa mga siyudad na pinaglilingkuran nito kundi puro mga gusali? Saan napunta ang ilang milyong piso pataba na ayon sa mga magsasaka ay hindi naman nila natanggap? Sino ang pasimuno sa pagpapapatay sa ”whistle-blower” na si Gng. Marlene Esperat na binaril mismo sa harap ng kanyang mga kaanak?
Lahat yan, syempre, mabibigyan ni Joc squared ng kasagutan, dahil nakapaglagi na sya sa pagamutan ng may katagalan. Napaghandaan na ang mga sitwasyon , nagawaan na ng mga papeles o magandang senaryo. Plantsado na ikanga.
Wag ka ring magugulat kung may lalabas na kakamping senador si Joc squared sa imbestigasyon. Sa kalagitnaan ng mainit na diskusyon meron na namang lilitaw na kontrobesya gaya ng mas malaking kaso ng pandarambong , pagsabog o pambobomba o kung ano pa man tas matatabunan na naman ang isyung ito at malamang wala ring mangyayari. At ikaw, maniniwala ka naman o kaya magsasawalang-kibo na lang. Kasi tolongges ka e di ba?
Euro Generals
Yung 105,000 euros na nahuli kay Dela Paz na hindi pa kasama yung 45,000 euros na kelan lang natuklasan ay ”contingency fund daw” sabi ng magiting na kalihim ng DILG. Dahil tingin nya ay mga tolongges tayo , maaring naiisip nya na tinatanggap natin ang paliwanag na sobrang mahal ng mga bilihin at serbisyo sa bansang Rusya at katanggap-tangap lamang na magdala ng ekstrang milyon-milyong halaga para hindi ka nga naman kapusin sa gastusin. Tama nga naman di ba?
Ilang araw matapos pumutok ang kontrobersya, ipinaliwanag ng Direktor ng PNP Jesus Versoza na ang milyones naman daw ay inatasang ipambili ng ”intelligence equipment”. Dahil tolongges tayo, siguro naisip nya pwede tayong maniwala na ubod nga naman ng mahal ang isang intelligence equipment dahil ito ay napakasopistikado upang maintindihan natin kumbaga sa espada may laser. Yun nga lang , marahil ay nakalimutan o walang nakapagsabi sa kanila na bawal magbitbit ng halagang lagpas sa 30, 000 dolyar kaya nahuli si Sir General . Sayang nahuli pa, pero maniniwala naman sana tayo di ba?
Heto pa, yung karagdagang 45,000 euros na huli na lang nalantad ay galing naman daw sa isang kaibigan na naki-paki sa heneral na ibili sya ng pagkamahal-mahal na relos sa bansang Vienna. Sabagay , yung mga kasama ko sa aming tanggapan minsan nagpapabili ako sa kanila pag pupunta sila ng ibang bansa, pero para mas makamura, ganun din marahil sa sitwasyong ito ni Dela Paz. At dahil tolongges tayo, maniniwala tayo sa mga sinasabi nila kahit kasalukuyan na siyang hindi mahanap para humarap sa imbestigasyon sa Senado.
Di gaya ng kay Joc squared , meron akong nakikitang kaunting liwanag sa kaso dahil hinahawakan ng aking idolo na si Senadora Miriam Defensor Santiago . Nataon pa na natalo si idol sa nakaraang botohan ng ICJ kaya malamang me paglagyan itong mga heneral na akala marahil pati ang matalinong senadora ay naging tolongges na rin.
Siguradong narinig nyo na ang kantang to. Natatandaan nyo ba yung patalastas ng Baygon kung saan yung lalaking ipis ay pumapatong sa babaeng ipis habang tumutugtog ang awiting ito? Ang pamagat nun ay “Afternoon Delight” na inawit ng Starland Vocal Band. Hindi mo ba tinanong sa sarili mo kung bakit ganun ang tugtog?
Ayon sa aking pagsasaliksik , ang kantang “Afternoon Delight” ay isinulat ni Bill Danoff at naging numero uno sa U.S Billboard Hot 100 single noong Hulyo 10, 1976. Doble kahulugan ang liriko ng awitin, inspirasyon mula sa pantanghaling appetizer menu sa isang restawran, ang Clyde’s of Georgetown sa Washington, DC. Ang isa pang kahulugan ay bimbangan, betchutan, kangkangan, turbuhan o bondyobi sa hapon o tanghaling tapat .
Ang awitin ay nag-iisang kanta mula sa banda na nanalo ng Grammy for Best New Artist noong 1976. Ginamit din ito sa dalawang pelikula noong 2004 , ang Anchorman at Starsky and Hutch. Kung di mo maalaala mo kaya ang kanta maari mo siyang pakinggan sa ibaba tanga. At nasa ibaba rin ang liriko at napansin kong inuulit ang salitang “Afternoon Delight” na para bang nag-aanyayang gumawa ka ng kababalaghan sa tanghaling-tapat. Ano pa ang hinihintay mo ?
Napapalunok ka hijo? Ehehehehe……
Larawan nadekwat sa:( http://www.bluechameleon.org/Photo%20&%20Image%20Stockpile%20-%20BCV/Oustalet%27s%20chameleons%20mating%20on%20ground.jpg) Tsismis at impormasyon mula sa: (www.wikipedia.org at http://www.songfacts.com/detail.php?id=59)
Gonna find my baby, gonna hold her tight Gonna grab some afternoon delight My motto's always been 'when it's right, it's right' Why wait until the middle of a cold dark night? When everything's a little clearer in the light of day And we know the night is always gonna be there any way
Thinkin' of you's workin' up my appetite Looking forward to a little afternoon delight Rubbin' sticks and stones together makes the sparks ingite And the thought of lovin' you is getting so exciting Sky rockets in flight Afternoon delight Afternoon delight Afternoon delight
Started out this morning feeling so polite I always though a fish could not be caught who wouldn't bite But you've got some bait a waitin' and I think I might try nibbling A little afternoon delight Sky rockets in flight Afternoon delight Afternoon delight Afternoon delight
Please be waiting for me, baby, when I come around We could make a lot of lovin' 'for the sun goes down
Thinkin' of you's workin' up my appetite Looking forward to a little afternoon delight Rubbin' sticks and stones together makes the sparks ignite And the thought of lovin' you is getting so exciting Sky rockets in flight Afternoon delight Afternoon delight Afternoon delight
Maglalathala sana ako ng isang kabalbalan tungkol sa sapatos na Chuck Taylor kaso lang nawala ako sa konsentrasyon ng makita kong naghahanap ng mga awitin ng Alessi Brother ang katabi kong si Pongki. Naalala ko tuloy yung nagpunta kami sa Boracay , mga panahong textmate pa lang kami ni Ateng, merong isang banda kaming nadaanan na umawit ng kanta ng Alessi , "I Wish that I Was Making Love". Plakadong -plakado ang boses , dahil nagkaron ako ng inspirasyon, nakagawa ako ng pinagtagpi-tagping tula mula sa liriko ng awiting ito. Kalaunan ay tinext ko rin yong munting tulang iyon sa aking nililiyag and the rest is history ikanga...Kung gusto mo mapanood yung video , puntahan mo sa site ni Ateng. (hanep sa ads no?).
Ang Alessi Brothers ay sumikat noong dekada '70 dahil sa kanilang kantang "Oh Lori". Isinilang na kambal , si Billy at Bobby (hulaan mo apelyido) ay ipinanganak noong Hulyo, 12, 1954.
Pinili ko yung kantang "Oh Lori" na idikit dito dahil pinahirapan ako sa paghahanap ng liriko nito. Nakaugalian ko ng hanapin ang liriko ng kantang maririnig ko pag papunta na ako sa aming tanggapan, pag aking nagustuhan, gugugoolin ko siya (google tanga!) tas ididikit ko sa pinakamatandang notepad sa aking kompyuter. Pinakamatanda kasi taong 2002 pa lang nagdididikit na ko ng iba't -ibang liriko dito at nagpalipat-lipat na ito sa iba't-ibang kompyuter. Nahirapan ako kasi , "Ah Lorie" yung rinig ko sa kanta, "Oh Lori" pala! (engot din eh no?). O sya , panuorin at pakinggan mo na yung video nina Vic Sotto #1 and #2 sa ibaba.
I’d like to stay in love with you All summer and after fall
I’ll keep you warm through the winter Because I’ve noticed one thing
This ain’t no summer fling I’d like to ride my bicycle with you
On the handlebars You’d laugh and run away
And I’d chase you through the meadow Without you I’d die
Let’s never say good-bye Oh, Lori
You bring the spring, the summer, fall Ooo and winter
By the season Oh, Lori (oh, Lori)
You make me feel as though I’ve been born again Born again
You danced for me in your bare feet That mellow afternoon
When we made love to each other And I’m loving you
That’s all I want to do Oh, Lori
You bring the spring, the summer, fall Ooo and winter
By the season Oh, Lori (oh, Lori)
You make me feel as though I’ve been born again Born again
Matagal ng nangangati ang aking mga daliri para sumulat ng artikulo tungkol sa pagkaing ito. Uu, pagkain, hindi yung nangangati kaya masarap kamutin. Wag mo rin akong tatanungin kung bakit hindi yan pantay. Hindi natin paguusapan kung ang itlog ba ay nauna sa manok o pagtatalunan kung ito ba ay bilog o biluhaba, ni hindi rin natin tatalakayin kung itlog nga ba si Humpty Dumpty o isa lamang karakter ng bugtong na ang hugis ay inembento lamang ng mga taong pauso at epal nung panahong hindi pa natutuklasan ang paggawa ng itlog na kulay magenta na mas angkop siguro sa tawag na itlog na maalat. Ang tatalakayin lamang natin ay tungkol sa kina-aadikan ko, ang itlog: (Larawan ng itlog mula sa: http://cooklikemad.com/wp-content/uploads/2008/04/eggs-on-toast.jpg )
Bilang Pagkain Wala ng mas sasarap pa sa sinangag at pritong itlog. Paborito kong kainin yung tinusok ang pula para maluto rin syang maigi. Kung sunny side-up naman ang pagkakaluto, uubusin ko muna yung puti at mag-iingat na mabutas yung pula para sisipsipin ko sya sa bandang huli ala dracula style. Trip ko naman ang nilagang itlog pag me kasamang Lucky-Me pancit canton , kumbinasyon ng chili-mansi at hot and spicy na may kasama pang pandesal. Tuwing linggo, ginagawa ko yung omellete na napanood ko sa Asian Food Channel, mantikilya ang magsisilbing mantika , paglagay ng binating itlog sa kawali , lalagyan ng gatas at hahaluin ng konti, pagkatapos ay lalagyan ng herb o di ko malaman kung anong klaseng damo yun. Presto! Sosyal na almusal.
Sa dami ng pwedeng ikombinasyon sa binating itlog gaya ng sardinas, patatas, maling , hotdog etc., isa sa mga Guy and Pip na luto ng itlog ay yung may igigisa ka munang kamatis at sibuyas tsaka mu ipipirito kasama ng binating itlog , habang lumalaban naman sa kawali ang itlog , nag-aabang naman ang tuyo bilang masarap na katambal. Da best ito, lalo na tuwing tag-ulan.
Nasubukan ko na rin ang sarsi na may itlog na pinaniniwalaang magbibigay sa’yo ng lakas na higit pa sa enerhiyang ipagkakaloob sa’yo ng pag-inom ng isang basong extra joss. Pero hindi ko pa nasusubukan yung ginawa ng idol kong si Bruce Lee na bago mag-ehersisyo ay may nilalagok na isang basong itlog na parang orange juice lamang.
Nutrisyon Mahigit sa kalahati ng calories na nakukuha sa itlog ay matatagpuan sa fat ng pula o yolk. Ang isang itlog na tumitimbang ng 100 gramo ay nagtataglay ng humigit kumulang sa 10 gramo ng fat, kaya kung ikaw ay nagbabawas ng cholesterol sa iyong katawan , mas nakakabuting maghinay-hinay ka sa pagsubo ng itlog. Aking nabasa sa isang polyetos na ipinamimigay ng doktor na okey lang na kumain ka ng 3 itlog sa loob ng isang linggo kung ikaw ay nagbabawas ng cholesterol sa iyong katawan, samantala , ang puti ng itlog ay okey lang namang lapangin araw-araw. Ang puti ng itlog (hindi yung balat ha bobo?) ay nagtataglay ng (87%) water, (13%) protein, walang taglay na cholesterol at halos kakaunting fat.
Ayon sa : http://www.enc-online.org/GoodNews.htm kung saan puro puguan at itlugan ang usapan , sa isang malusog na lalaki o babae, ang pagkain ng isang itlog sa isang araw ay hindi naman nakapagpapataas ng tsansa ng sakit sa puso o stroke, maliban na lang siguro kung hindi ka talaga gumagalaw-galaw at puro pagkakamot ng itlog ang inaatupag mo. Sa isang banda , maaring may kinalaman naman ang pagkain ng isang itlog sa isang araw sa pagkakaroon ng sakit sa puso ng mga taong may sakit na diabetes kaya mas nakabubuting kontrolin ang malabis na pagkain nito.
Sa kabuuan , ang itlog ay mainam sa ating katawan. Binati, pinrito , hilaw o nilaga, hinimas o kinamot (kung meron mang ganun). Lagi nating tatandaan na anumang bagay na labis ay masama. Mahalaga pa rin na magkaroon ng balanseng pagkain at magkaroon ng regular na ehersisyo para maging malusog ang ating katawan. Nawa’y may naiambag akong kaunti sa ga-langgam mong kaalaman bungol, hanggang sa muli. Paalam !
Inaasahan ko na magiging malakas at mabilis si Emmanuel "Manny Pacman" Dapidran Pacquiao sa tinaguriang "Dream Match" pero di ko inaasahan kahit sa panaginip na magiging ganun kalamya at kabagal ang tinaguriang "Golden Boy" ng boksing na si Oscar Dela Hoya. Hindi man lang inilaban ang aking limandaang pisotas. Buti na lamang at hindi ako isang tanyag na "boxing analyst", kundi , isa ako sa mga napahiya at napailing ng mapawi ang usok sa naganap na bakbakan.
